Billboard Artist 100-ah Morgan Wallen a No.1
Moagan Wallen chu Billboard Artist 100 chart-ah a No.1 a, hei bakah hian Billboard 200 (albums) chart leh Billboard Hot 100 (singles) chart-ah te a No.1 vek bawk a, heng chart pathuma kar khata No.1 thei mi tlemte zingah telin, heng chart pathuma kar khata chhunga a No.1 vek tum hnihna a ni a, chutiang ti thei zaithiam pariatna a ni bawk.
March thla laihawl-ah khan a album One Thing at a Time a tlangzarh hlimah a album hi Billboard 200 No.1-ah a debut a, he album atanga a single ‘Last Night’ chu Billboard Hot 100-ah a No.1 a, Billboard Artist 100-ah a No.1 zui ta bawk a, tunah hetiang hi a tinawn leh ta a ni.
Heng chart pathuma tum khata No.1 vek theih hi a awlsam lo hle a, Drake chu tum 16 heng chart-ah hian a ruala No.1 vekin, a la chungnung ber a, Taylor Swift (15), Adele (9), The Weeknd (5), Ariana Grande (2), Ed Sheeran (2), Harry Styles (2), Morgan Wallen (2), Beyonce (1), Justin Bieber (1), BTS (1), Camila Cabello (1), Futire (1) leh Kendrick Lamar (1) ten an dawt.
Billboard Artist 100 hi kar khat chhunga US-a zaithiam lar dan tehna a ni a, chart ranking siam nan hian kar khat chhunga album leh hla hralhna bakah, radio airplay leh streaming te chu tehna pawimawh a ni a, Morgan Wallen hi he chart-a a No.1 tawh zawng zawng belhkhawm chu kar 11 a tling ta a, core country act zingah he chart-a No.1 ni ngun ber a la ni.
Artist 100 Top 10:
1 Morgan Wallen
2 Melanie Martinez
3 Taylor Swift
4 Luke Combs
5 SZA
6 boygenius
7 Tyler, The Creator
8 Miley Cyrus
9 The Weeknd
10 Lana Del Rey
Billboard Artist 100-ah Morgan Wallen a No.1
Get real time updates directly on you device, subscribe now.