Thalaite hmasawnna kan ngaipawimawh – Lalruatkima

MNF sawrkarin thalaite hmasawnna a ngaipawimawh hle tih minister Lalruatkima chuan a sawi.
Inrinnia Tuikual Futsal Ground a hawnnaah Aizawl West-II bialtu MLA ni bawk Lalruatkima chuan sawrkarin thalaite hmasawnna a ngaipawimawh a, infiamna hmunhma tam tak din a nih thu te, a bial chhunga hetiang hmun hrang hrang din tawh leh din mekte a sawi a ni.
Aizawl deputy mayor R Thanglura pawhin he hmasawnna thar hi veng hrang hrangte inlungrualna thlentu nise a duh tih a sawi a. Veng neitute pawh rilru zau tak pua veng dang atanga inkhel tura rawn kalte dawngsawng thin turin a chah.
Tuikual North-a futsal ground hi MLA Fund bakah sum awm thei remchang chi hrang hrang dapa sak a ni a, a hmun laihzawl atanga sak zawh a nih thleng hian cheng nuai 48 sen a ni. Futsal ground panna kawng lirthei kal theihna turin siam mek niin, zan lam thlenga inkhelh theih turin Local Council-in solar light an dah a; thirlen sang chia hung chhuah vek a ni bawk. November 2019 khan sak hna thawh tan a ni a, tunah hian Mizorama futsal ground lian ber dawttu a ni.