Ang zau thei ber

Ang zau thei ber
Alaska nu pakhat chu an âng zau thei pam pam khawp a, Guinness World Records-in khawvela hmeichhe âng zau thei berah a puang.
A hming chu Marie Pearl Robinson a ni a, a kareh a zau bik riau tih te chu tunhma atangin a lo inhre tawh a, mahse, Guinness World Records a siam theih ang tih lam a lo ngaihtuah ngai lo. Mahse, 2021 khan Guinness World Records-in hmeichhe zinga âng zau thei bera an puan, Samantha Ramsdell record, inches 2.56 a lo hmu a, chu ai chuan a âng zau thei zawk tih inhriain, record siam tumna a nei ve ta a ni.
Marie Pearl Robinson chuan, “A video te ka en a, a ka chhung a thil hnawh luh te ka hmu a, chutiang chu kei pawhin ka tive thei tih ka hria. Tichuan, khawnge, a record ka khum thei ang em? tiin ka thawk chhuak ve ta a ni,” a ti.
Robinbson hi a theih tawpa zaua a ân laiin, a ha hnuai leh chunglam inkar chu dentist-in a zau zawng a teh ta a, inches 2.98 a ni a, khawvela hmeichhe âng zau thei ber record a siam ta a ni.