Theranos founder Elizabeth Holmes chu kum 11 lung in tang turin federal prison a lut ta a. Kum 39-a upa Holmes hi nikum khan ‘blood testing start-up’ ah inbumna kalpui tiin thubuai paliah thiamloh chantir a ni.
Holmes hi Bryan, Texas-a lung in tang 500 atanga 700 vel awmnaah a tang dawn a. He lung in hi a chenna Houston atanga 100 miles vela hla a ni.
A hun laia khawvela self-made billionaire hmeichhe naupang ber tia sawi thin hian lung in chhungah tang dang ang bawkin darkar khatah hna a thawhin 12 cents a hlawh thin ang.
Thla tir lam khan US judge te chuan Holmes leh a romantic leh business partner Theranos boss hlui Ramesh “Sunny” Balwani te chu an sum laksak te hnenah $452 million pe turin an ti a. Balwani hi California-ah kum 13 lung in tang tura tih niin a tang mek tawh thung.
An pahnihin khawvela mihausa ber ber leh investor lar ber ber media tycoon Rupert Murdoch te, US treausry Secretary hlui George Shultz te pawh an bum zingah an tel.
Theranos hlutna hi $ 9 billion vel lai ni hmanin thisen far tlemte hmanga zunthlum pawh hre nghal thei angin an inzuar a, mahse, inbumna mai lo niin kum 2018 khan a company chu a tlachhe zui ta a ni.
Theranos founder Lung Inah khung ta
Get real time updates directly on you device, subscribe now.