Deputy chief minister Tawnluia’n thingtlangah chhungkua 75% te tui thianghlim pek an ni tawh tih a sawi a, khawpui leh thingtlang hmun hrang hrangah tui pek hna hi tihchangtlun tum mek a ni tih a sawi.
A demand sawihonaah a hmawrbawkna hun hmangin Tawnluia hian, PHE hnathawh a sawi a, JMM scheme hnuaia thingtlanga chengte tui pek hna thawh dan sawiin, connection 133060 pek a nih tawh thu leh, pek hmabak hi 100726 a nih thu te a sawi a, December-ah connection hi 32330 pek hman tum a nih thu a sawi bawk.
Khawpuiah chuan AMRUT 2.0 hnuaiah tui pek hna tihchangtlun zel tum a nih thu a sawi a, NABARD atang leh Special Assistance to Capital Expenditure atangtea thawh tum a nih thu a sawi bawk. NABARD hnuaiah hian scheme 15 a awm thu a sawi.
Serchhip-ah tui pek hna tihchangtlun nan cheng nuai 500 dah a nih thu leh Thenzawlah pawh tihchangtlun tum a nih thu a sawi a, Champhaiah cheng nuai 700 chuang, Lungleiah cheng nuai 990 chuang, Tlabungah cheng nuai 790 chuang dah a nih thu te sawiin, Aizawlah treatment plant atan cheng nuai 3900 dah a nih thu te, Champhaiah Keilungliah tui lak hna thawh tum a nih thu te a sawi.
UD&PA department hmalaknaah Aizawl leh Kolasib-ah solid waste managemet centre-in hna a thawh tawh thu, Lunglei leh Champhai-ah sak mek a nih thu te, Khawzawl, Saitual, Hnahthial, Serchhip leh Mamit-ah te land development lam thawh mek a nih thu te a sawi.
PAHOSS chungchangah,Covid vangin hna a chawl tih a sawi a, Aizawl khawpuiah 11 hawn a nih tawh thu leh hawn leh mai tur pali a awm thu sawiin, “A vai hian a tangkai em em a,” a ti. Cheng nuai 4000 chuang K Deposit-ah a awm thu a sawi a, PAHOSS hi lirthei garage tur ni lovin lirthei park-na tur a nih thu leh hemi chungchangah hian guideline pawh siam a ngaih tur thu te a sawi.
Housing for All chungchangah in nei lote awmna tur in 1000 zet zawt sak zawh tawh a nih thu leh in 3900 zet zawt la sak zawh loh a awm thu a sawi.
Thingtlangah 75% hnenah tui pe tawh: Dy CM
Get real time updates directly on you device, subscribe now.
Next Post