Kumin April 28 atanga June 21 thleng khan Champhai district-ah force hrang hrangin heroin kg.6 chuang an man a, tualchhunga hralhna ang chuan cheng nuai 138 chuang a ni.
District Level Narco Coordination Centre (NCORD) Committee Champhai chu Ningani khan an chairman, bawrhsap James Lalrinchhana kaihhruaiin an thukhawm a. An thurel tawh bawhzui dan bakah hmalak zel dan tur an rel.
He hunah hian Police, Excise & Narcotics, Assam Rifles, Food & Drugs Administration leh Sub Hqrs. YMA in hma an lak dan an report theuh a. Kumin April 28 atanga June 21 inkar khan Champhai District Police chuan ND&PS Act 1985 hnuaiah case 14 an ziaklut a, hemi kaihhnawihah hian mi 19 manin, an zinga 3 hi ramdang mi an ni. Heroin gram 5506.7 (kg 5.51) an man a, an chhut dan chuan tualchhung market-a a hlut zawng Rs. 13,72,68,000 hu a ni.
Hemi hun chhung vek hian Excise & Narcotics Department chuan ND&PS Act 1985 hnuaiah case 12 ziaklutin hemi kaihhnawihah hian mi 24 an man a, ramdangmi an tel lo. Heroin gram 627 manin, tualchhung rate-a an chhut danin Rs. 7,52,580 hu a ni. Assam Rifles-in heroin gram 600 vel an man ve bawk.
Thla hnih chhung velin heroin kg 6 chuang man
Get real time updates directly on you device, subscribe now.
Next Post