Bagde dum bel mek ten thawk loa nawrh tintuah

Sawrkara an thil phut tihhlawhtlin ngiata badge dum bela lungawiloh lantir mekte chuan hna thawk loa lungawi loh lantir an tintuah tan.
All Mizoram CSS Employee Coordination Committee thuchhuak chuan Mizoram sawrkar laka an thil phut avanga badge dum bela lungawiloh an lantir mek chuan rah tha a chhuah lo nia sawiin, Mizoram sawrkar koh eih ngei theihna turin hreh tak chungin badge dum an bel chu bel chhunzawm zel a, June 26-28 chhung hian ‘pen down/ tool down strike’ neih nise, an ti.
CSS Coordination Committee-ah hian sawrkar department hrang hranga CSS hnuaia thawk zawng zawng mi sing chuang an ni tih an sawi a. Hmasawnna, hriselna, zirna leh naupang enkawlna hrang hrang a huam tih sawiin, ‘He kan hmalakna avanga harsatna tawk kan lo awm a nih pawhin mipui hriatthiamna kan dil nghal a. Mizoram sawrkarin CSS hnuaia thawkte min hlamchhiaha kan hriat avangin hreh tak chunga lungawilohna kan lantir kaltlangpui zel a ngai ta hi pawi kan a ni,’ a ti.