‘Tiger 3’-in ni 3 chhungin vbc 146 lalut hman

Salman Khan leh Katrina Kaif channa ‘Tiger 3’ chuan an tlangzarh aTanga ni thum chhungin India-ah cinema hall ticket hralhna aTangin cheng vaibelchhe 146 a lalut hman a, Salman Khan channa film vbc 100 chin lalut thei 17-na a ni.
‘Tiger 3’ hi November ni 12 a tlangzarh kha niin, a ni khatnaah India-ah cheng vaibelchhe 44.50 lalut theiin, khawvel huap chuan vaibelchhe 94 a lalut thei a. A ni hnihnaah India-ah cheng vaibelchhe 59.25 lalut lehin, a ni thumnaah cheng vaibelchhe 42 lalut lehin, ni thum chhungin India-ah cheng vaibelchhe 146 a lalut hman a ni.
‘Tiger 3’ hi YRF Spy movie ‘Ek Tha Tiger’ (2012) leh ‘Tiger Zinda Hai’ (2017) chhunzawmna a la ni ta zel a, ‘Tiger’ film pangana ni tawhin, he film-ah hian Salman leh Katrina bakah Emraan Hashmi, Revathi, Simran leh Riddhi Dogra te pawhin role pawimawh an chang.