Tony Awards 2024 nomination-ah Hell’s Kitchen leh Stereophonic langsar

2024 Tony Awards nomination an puang a, Hell’s Kitchen leh Stereophonic te langsar berin nomination 13 ve ve an nei a, The Outsiders-in nomination 12 neiin a dawt a, Cabaret-in nomination pakua a nei a, Appropriate-in nomination pariat a nei bawk.
A mimal lamah Jeremy Strong (An Enemy of the People), Lieve Schreiber (Doubt: A Parable), Leslie Odom, Jr. (Purlie Victorious: A Non-Confederate Romp Through the Cotton Patch), William Jackson Harper (Uncle Vanya) leh Michael Stuhlberg (Patriots) te chu Best Performance by an Actor in a Leading Role in a Play-ah an lang a, Best Performance by an Actress in a Leading Role in a Play-ah chuan Jessica Lange (Mother Play), Rachel McAdams (Mary Jane), Sarah Paulson (Appropriate), Betsy Aidem (Prayer for the French Republic) leh Amy Ryan (Doubt: A Parable) te an lang ve thung.
Kumin Tony Awards semna hi Ariana DeBose-i’n a host leh a, tum thum a host-na tur a ni ta. Kumin hi he award an sem vawi 77-na tur a ni dawn am June ni 16-ah Lincoln Center-a David H. Koch Theater, New York City-ah an sem ang.
Tony Awards hi khawvelin lemchan lama chawimawina sang a neih zinga mi niin, film leh movies lam ni lo, stage-a chan chi lama chawimawina sang niin, entertainment khawvela award ngaihhlut zingah telin, EGOT tura award dawn ngei ngei ngai zinga mi a ni.