Trade Union-in thawktute hamthatna dan hman ngen

Mizorama trade union pali chuan hnathawktute hamthatna tura sawrkarin a duan dan chu a taka hman thuai an duh tih an sawi.
Heng trade union-te inzawmkhawmna – Mizoram Trade Union Coordination Committee thuchhuak chuan cabinet meeting hnuhnung bera pass ‘Shop & Establishment Act’ chu state sawrkarin a taka hmang ngei turin a ngen a. Notification pawh July 2023 ralhmaa tichhuak turin a ngen tih a sawi. July ralhmaa a tichhuak lo a nih chuan an thiam dan ang angin hma an lak tur thu a sawi bawk.
‘Sawrkar hian notification a tichhuak ngam lo a nih chuan, notification hi a chhuah ngei theihna’n Trade Union Coordination Committee chuan court lama kal mai a tum a; he thil hi hnathawktu, labour-te tan thil pawimawh tak a nih avangin, thlawp turin mipui pawh kan ngen a ni,’ a ti.