Kum kalta khan Apex Bank chuan hlep cheng nuai 3900 chuang a nei a, an credit deposit ratio chu 75.39 a ni pha.
Mizoram Cooperative Apex Bank Ltd hian Nilaini khan Aizawlah annual general assembly vawi 28-na an hmang a. Kum 2022- 2023 chhunga Annual Report, Annual Statement of Account leh Annual Budget te sawi ho leh pawm a ni.
Apex Bank hi 1982 July 31-a din a ni a. Tunah hian branch 23 neiin, thawktu 166 an awm a, thawktu hi an vaiin Mizo vek an ni. Tunhnai kum 10 liamta atang khan kawng hrang hrangah hmasawnna neiin, an profit pawh kumtin a pung chho a. Kum 2022- 2023 chhung khan hlep cheng nuai 3965.69 an nei. Kumin March 31 khan deposit cheng nuai 1,45,536.40 neiin, loan cheng nuai 1,09,727.07 an pechhuak a, an CD Ratio 75.39% niin, CRAR 25.19% a ni.
Assembly-ah hian an chairman T. Lalmuanpuii chuan mobile banking apps/ g-pay hman theihna tlangzarhna a. He mobile banking app hi hman nuam, awlsam leh him sia siam niin, awlsam taka Android leh IoS hmang download theih a ni a. Mobile banking apps hi Apex Bank account danga awlsam taka pawisa thawnna atan hman theih a nih bakah bank dang account-ah pawh awlsam leh him taka NEFT/ RTGS /IMPS /G-Pay/ WhatsApp Pay hmanga pawisa inthawnna atan hman theih a ni.
Apex Bank annual general assembly-ah hian kum 2023- 2028 chhung atana Board of Directors an thlang nghal a. Chairman leh Vice Chairman bakah Board Member tur mi pali an thlang a ni.
Kum kaltaaah Apex Bank-in cheng nuai 3900 chuang hlep
Get real time updates directly on you device, subscribe now.
Next Post