BJP hruaitu Manik Saha chu Tripura chief minister atan a tum hnihna tura lakluh a ni a. Mahse, RSS nena inzawmna nei thuk hruaitu dangte chu minister atana lakluh an ni lo.
Saha rual hian cabinet minister tur pariat lakluh an ni bawk a, tihian member 60 awmna Assembly-ah minister 12 awmin pathum dah belh theih an la ni a. Minister zinga pariat chu BJP niin IPFT atangin pakhat a awm bawk.
Tripura Governor Satyadev Narayan Arya-an a lakluh zingah Dr Saha leh minister parukte chuan Bangla-in rinawmna thu an tiam a, Sushanta Choudhry chuan Hindi leh Shukhla Charan Noatia (IPFT MLA chuan local tribal dialect Kokborok in rinawmna thutiam a la thung.
Cabinet member pakua zinga pali chu mithar niin pangate chu cabinet hmasaa tel tawh niin Santana Chakma pawh minister a ni zui leh a. Sorkar hmasaa minister Ramprasad Paul, Bhagaban Das, Manoj Kanti Deb and Ram Pada Jamatia te chu thlauhthlak an ni thung.
BJP hruaitu hlui leh lawk RSS te nena inzawmna thuk tak nei kumin inthlana chuha tling bawk si Rampada Jamatia, Pratima Bhoumik, Kishor Barman leh Ramprasad Paul te chu minister atana lakluh an ni lo vek thung.
BJP leader te chuan hun rei lo te hnuah Cabinet tihlen a ni ang an ti nghal a, Cabinet member pathum la ruat belh theih te chu TIRA tena BJP kaihhruai sorkar an zawm chuan an chang dawn tia sawi a ni.
Tirpura election-ah khan BJP te chuan seat 32 an la a, an thawhpui IPFT te chuan seat khat an chang a ni.
Dr. Saha hi kum 2022 khan Biplab Kumar Deb thlakin Chief Minister atana hlankai niin, Kumar Deb kha Tripura a dan leh hrai lekkawhna lama tlahniam leh a sorkarin sawisel a hlawh nasat avanga thlak a ni.
Tripura CM-ah Manik Saha
Get real time updates directly on you device, subscribe now.
Prev Post
Next Post