Assam Chief Minister Himanta Biswa Sarma chuan Tripura inthlanah chakna chang lo mah se BJP te chuan Tripura territorial integrity chu tihchhiat an remti dawn lo tiin a sawi.
-- Advertisement --
Sepahijala district Melaghar a rally a neihnaah BJP te chuan indigenous mipuite chu social, culture, politics leh linguistic lamah pawh tihchak bur a tum thu sawiin mahse Tripura thendarh chu an thlawp thei lo tiin a sawi bawk.
“Greater Tipraland ngiattu Pradyot Debbarma nen tum hnih kan inhmu tawh a. BJP te chuan Tripura thendarh kan duh lo bur tih ka hrilh a ni,” tiin a sawi a.
“A pu (Tripura ruler thin Bir Bikram Manikya)” khan Greater Tipraland a ngiat lo, enga ti nge tunah ngiat a nih?” tiin a sawi bawk.
Centre-in development hnathawh a neih te sawiin Sarma chuan, “Free rice atanga free vacine thlengin, engkim mipuite tan chhawpchhuah a ni. PM Modi hian mipuite hamthatna a ngaihtuah thin,” tiin a sawi bawk.