Trump-a’n Swift a kâp
US President Donald Trump chuan social media lamah Taylor Swift a kâp leh zauh mai le. Trump hi pa ngawi chet chet chi a ni lo bawk a, a ngainat loh zawng te chu han tih deuh hrep mai te pawh a hreh lem lo. Swift nen hian boruak an lo nei deuh tawh bawk a, remchang a hmu fuh bawk a, Swift a dim bik lo khawp mai.
US President ni lai zinga Super Bowl a hmuna en hmasa ber Donald Trump hian Super Bowl en ve tho Taylor Swift hi Super Bowl-ah fans lamin an lo boo deuh chu ngawih bo pui mai mai phal chi-ah a ngai lo. Super Bowl a Kansas City Chiefs chak loh nen sawi kawpin, “Zanina Kansas City Chiefs aia hun khrih zawk tawng awm chhun chu Taylor Swift a ni chiang. Stadium atangin an boo chhuak e. MAGA hian an ngaidam mai mai lo a nia,” a ti.
Caesars Superdome-a a bialpa, Kansas City Chiefs tight ends Travis Kelce au phur tura inkel en, Taylor Swift hi stadium chhunga TV screen-a a lan laiin stadium chhunga awm ten an boo hluah hluah mai a, Swift pawh a tirah chuan a hawihai hman viau a, mahse, a thutpui Ice Spice nen an nui liam ve leh ta mai thei ta zawk a ni.
Taylor Swift hian 2020 US Presidential election-ah khan Trump-a khingpui Joe Biden a support a, nikum inthlanpuiah pawh Trump-a khingpui Kamala Harris a support leh bawk. Swift hian Harris a support thu a puan hma lawkon AI hmanga thlalak siamchawp, Swift-i’n Trump a thlawp niawm taka a lanna a awm a, hei hi Swift hian sawi fiahin, Harris a thlawp zawk thu a puang zui a. Hei hi Trump hian a la na ngang a ni ang, social media-ah “Taylor Swift hi ka hua,” tih a post zui ve nghal zat bawk a ni.
Trump-a’n Swift a kâp
Get real time updates directly on you device, subscribe now.
Next Post