Tui chhunga photo shoot nei thuk ber

Brantford model Ciara Antoski chu Bruce Peninsula-a Georgian Bay mawnga lawng pilah thla lain a in-pose zak zak a, a thlalakna hi meter 6.4 (feet 21) a thuk niin, tui chhunga thla la tawh zinga thla lakna thuk ber record an siam. Antoski thla hi photographer Steve Haining-a lak niin, scuba diver Mareesha Kulps-a’n a buaipui vel bawk a ni.
Haining chuan, “World record a ni ang tih lam pawh a hunlai kha chuan ka ngaihtuah lo. Kan chak a, nuam ka ti a, kan ti ve tawp mai,” a ti a, a tirah he idea hi Antoski nen an sawi dun a, ani hian scuba diving certification te a lo nei thar bawk nen, tin, an pahnih hian an lo thawk dun fo tawh tho bawk a, tui chhung thuk taka thlalak dun chu an phur ta riau a ni.
Tui chhung thuk taka thla la tur an nih avangin mahni maia tih theih a ni lo va, team an din a, Antoski pawhin tui chhunga rei tak thaw lo a awm theih dan te a zir a, minute hnih lai thaw loin a awm thei ta nghe nghe a ni.