Tuichang lui humhalh tum

Khawzawl bawrhsap K Lalrohlua hoin Khawzawl khawpui tui lakna, Tuichang lui enkawl leh venhim dan tur sawihoin Pathianni zing khan PHED Khawzawl Watsan Division executive engineer Liantluanga Chohte leh a thawhpuite bakah; Land Resources, Soil & Water Conservation Department hotute an thukhawm.
PHE EE chuan kar kalta chhung khan Tuichang luidung kilometer 5-a thui an zawh a, Tuichang lui hi Khawzawl, Kawlkulh, Biate leh Khawzawl district-a khaw te zawkte tui tlan a ni, tiin, hun lokal zel turah Khawzawl leh a chhehvel khuaten tuia harsatna an tawh loh nan tun atanga hma lak a tul tih a sawi. Luiin a chim theih chin – catchment area leh luidung enkawl chungchangah mipui inzirtir thar a tul takzet tih a sawi bawk.
Thutkhawmah hian drone hmanga Tuichang luidung leh a chhehvel thla lak an rel a. Heng thlalak hmang hian khaw hrang hrang VC leh NGO-te chu Tuichang lui dinhmun hrilhhriat thar an ni anga, luidung humhalh a tul zia inzirtirnan hman a ni dawn a ni.
Sawrkar department hrang hrangten luidung leh lui tui humhalh kawnga hma an lak theih nan Khawzawl bawrhsap office kaihhruaina hnuaiah PHE, Forest, Rural Development, LRS&WC, Agriculture, Horticulture adt. te nen ruahmanna siam nise, an ti bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More