Tuikhuahah car tlan liam, mi pariatin nunna chan

Tuikhuahah car tlan liam,
mi pariatin nunna chan
Haryana a Kaithal district huamchhungah car chetsualna thlengin chhungkaw khata cheng mi pariatin a hmunah nunna an chan.
He chetsualna hi inrinni zinga thleng kha niin, Mudri khua atanga km 12 a hla Karnal kawngah Alto car pakhat chu tuikhuahah a tlan lut a, a chhungah hian mi pakua chuangin, pariatin nunna an chan a, chuang zingah hian naupang panga an tel bawk.
Haryana acting chief minister ni mek Nayab Saini chuan chhungkaw pakhat chetsualna chu pawi a tih tak zet thu sawi nghalin, ‘Dussehra hmang tura kalte an ni a, pathian chuan a hmun thianghlimah hruai mawlh rawh se,’ tiin thlahna thuchhuah a siam nghal a ni.
District thuneitute chuan thil tul leh pawimawh ang ang an tih nghal thu sawi ve bawkin, nunna chante chu buaipui hna an thawh bakah, car pawh tui atanga lachhuak tura an beih nghal thu an sawi a, nunna chan ve lo pakhat pawh damdawiin hnai berah enkawlna tha tak pek nghal a nih thu an sawi bawk.