Turkish President Recep Tayyip Erdgan chuan chuan Ankara chuan Finland-in Nato a zawm a remti mai thei a, mahse, Sweden chu a remti ve lovang tiin a sawi.
Sweden chu Kurdish militant group hruaitu eng emawzah an rama awm mek te hlan let duh lovah a puh a ni.
-- Advertisement --
“Nato zawm in duh takzet chuan heng terrorist te hi min hlan let tur a ni,” tiin Erdogan chuan a sawi.
A hma lawkin Turkey chuan Nordic ram pahnih tena Nato an zawm theih nana inbiakna neih tura ruahman chu a \hulh zui tawh bawk a. Tun hnaia Stockholm khawpui lungawilohna lantirnaa Koran hal chuan Turkey a tithinur zual hle bawk a.
Swedish thuneitute pawhin Stockholm-a Turkey embassy pawna lungawilohna lantira Koran hal chu an dem thu an sawi a, mahse, chutihrual chuan an rama freedom of speech chu an \an tlat thu an sawi thung a ni.
Russia-in Ukraine a zawm hnuah Sweden leh Finland te chuan nikum khan Nato zawm dilin military non-alignment ram an nih rengna chu an bansan zui a ni.
Ram pahnihte dilna hi Nato member ram dang zawng te chuan an pawm nghal mai a. Mahse, Turkey leh Hungary te chuan an la pawm ve duh lo. Nato member ni tur hian member ram tin ten remtihna an pek a ngai a ni.
Thusawina a neihah Erdogan chuan Turkey chuan Finland bikah erawh ngaihhnathiamna a nei mai thei tia sawiin mahse Sweden erawh a barakhaih ang a ti thung a.
“Sweden hnenah hian mi 120 kan mi duh firfiak te kan rama thawn turin kan hrilh a. Heng mite hi min thawn lo a nih chuan a pawi a ni mai,” tiin Erdogan chuan a sawi bawk.
Turkey chuan Sweden chu Kurdistan Workers’ Party (PKK) te nena inhnimhnaihna nei lo turin a ti a, PKK te hi Turkey leh US bakah EU te pawhin firfiak pawl anga an pawm a ni.
Sweden chuan Turkey-in a phut angin anti-terror law khauh zet siamin constitutional amendment an siam zui ve bawk thung a ni.
Sweden leh Finland te hian Turkey hnena military equipment hralh an khap pawh an sut tawh bawk a. Turkey chuan tun hnai veka Kurdish support group tena Stockholm a Erdogan lim a letling zawnga an khai kan avangin a sawisel nasa hle bawk.