K-pop-in rimawi khawvelah hmun a luah zau telh telh a, K-pop girl group, hmeichhe pakua telna TWICE album thar pawhin Billboard 200 (albums) chart-ah Kanye West leh Ty Dolla Sign te rorel lai an titawp thei dawn niin a lang.
TWICE album thar ‘With You-th’ hi Billboard 200 chart-ah hian a No.1 thei a nih chuan he chart-a an album No.1 kai thei hmasa ber a ni dawn a, an album hmasa pathum chu chart top three-ah an la lang vek nain No.1 tak hi an la kai lo. Nikum March thla khan an album ‘Ready to Be’ chu No.2 kai a, Morgan Wallen album ‘One Thing at a Time’ lar vanglai kha niin, Morgan hi chart-ah an ngam ta lo a ni.
Tuna an album hralh tam dan leh streaming lama an chet that dan te, radio airplay lama an zaitir nasat dan te en chuan karleh chart-ah hian an No.1 thei ngei dawn niin a lang. He album hi CD chi hrang hrang 14 a zawrh chhuah a ni a, vinyl pawh chi thum a awm bawk a, streaming aiin album tak tak hralhna chu sang zawk tura ngaih a ni.
TWICE album thar a No.1 thei ang em?
Get real time updates directly on you device, subscribe now.
Next Post