UGC-NET exam cancel, sawiselna nasa

Education Ministry chuan UGC-NET examination chu Ministry of Home Affairs tena thil fel lo awm theia an ngaihthu an thlen hnuah a cancel zui a. University Grants Commission–National Eligibility Test hi National Testing Agency (NTA) tena an kalpui thin a ni.
A hma lawkin NTA chu National Eligibility cum Entrance Test for medical and allied courses chungchangah buaina nasa tak tawkin a awm sa tawh bawk a ni.
UGG-NET hi kum khatah tum hnih NTA in an huaihawt thin niin ‘Assistant Professor’ leh ‘Junior Research Fellowship and Assistant Professor’ bakah PhD admissions atana hman thin a ni a. June 18 khan khawpui hrang hrangah examination neih fel a lo ni tawh a ni.
Ministry of Education chuan social media platform X ah “Sorkar chuan examination thianghlimna leh zirlaite interest humhim a tum tlat a ni,” tiin a tarlang a.
“Ministry of Education chuan UGC-NET June 2024 Examination chu Indian Cyber Crime Coordiantion Centre (I4C) Ministry of Home Affairs hnuai awm chuan examination neihah thil fello a awm thei nia an sawi avangin a cancel a ni,” a ti bawk.
Examination a thara kalpui tur a nih thu sawi bawkin hun rei lo te hnuah kimchanga tarlan a ni ang a ti a. “CBI te chhui chian tura pek nghal a ni” tiin Ministry chuan a sawi bawk.
June 20 khan Congress-affiliated National Students’ Union of India (NSUI) te chuan Education Minister Dharmendra Pradhan chenna New Delhi pawnah lungawilohna an lantir nghal a.
NSUI national president Varun Choudhary hovin member te chuan National Testing Agency (NTA) chu thiata paper leak te chu chhui chian an ngiat nghal bawk.
Students leader te chuan NTA-ah corruption a nasat thu sawiin chuti chung chuan Education Minister chuan hmalakna engmah a nei lo an ti bawk.

Congress ten sawisel
UGC-NET cancel a nih hnuah Congress te chuan modi sorkar chu ‘paper leak government’ an ti nghal sak a, Education minister chu mawhphurtu a ni an ti bawk.
Congress president Mallikarjun Kharge chuan sorkar chu medical entrance NEET kalpui dan fellovah sawisel bawkin eng hunah nge Prime Minister Narendra Modi chuan “NEET pareeksha pe parcha” a kalpui dawn tiin zawhna a siam bawk a.
Congress leader Priyanka Gandhi vadra pawhin Ecuation Ministry in UGC-NEET cancel thu a sawi hnuah sokar chu a sawisel bawk.
Kharge chuan, “Narendra Modiji, exam chungchang is awi nasa a, eng hunah nge NEET pareeksha pe charcha i kalpui dawn. UGC-NEET exam cancel hi zirlai nuai tel te passion in chakna a channa a ni” a ti.
“Hei hi Modi sorkar invaivung tak thalai te hma lam hun rahbeh tumtu hnehna a ni,” tiin a sawi bawk.
Kharge chuan Union education minister chuan NEET ah paper leak a awm lo a ti a, mahse, Bihar, Gujarat leh Haryana-ah te educatioin mafia te man an nih hnuah scam thenkhat chu a awm tiin a pawm leh lawi si a ni. “Enghunah nge NEET exam cancel a nih dawn” tiin Kharge chuan a sawi bawk a.
“Modi ji, i sorkarin NEET exam a rigging leh paper leak awm hi i tihtawp a ngai a ni” tiin Kharge chuan a sawi bawk a.
“Nimin lawkah UGC-NET exam khawpui hrang hrangah neih a ni a, vawiinah paper leak awm nia ringhlelin cancel a ni a. NEET paper a leak tawh a, tunah UGC-NET paper a leak leh a. Modi sorkar hi ‘paper leak government’ a ni” tiin Congress te chuan an sawi bawk.