Ui lei sei ber

Zoey chu ui chikhat, labrador leh German shephard thlahpawlh a ni a, Louisiana, USA-ah a awm. Guinness World Record-in Zoey hi khawvela ui lei (tongue) sei berah an puang a, a lei hi 12.7cm (inches 5) a sei a ni.
Zoey neitu Sadie leh Drew Williams te chuan, “Zoey hi thla ruk a upa a nihin ka la a, a tet deuh lai atang tawhin a lei hi a chhuah deuh hlui reng mai a. A hah deuh phei chuan a lei a chhuah sei thei hle a ni. Nikum khan vety doctor hnenah kan hruai a, a lei sei zawng kan teh tir ta a ni,” an ti.
A dang atanga a lei hmawr thlenga tehin 12.7cm a ni a, a hnuah Guinness World Record an bih kualna atangin khawvela ui lei sei ber record a siam thei dawnin an hria a, Guinness be pawpin document pawimawh te an thawn ta a ni.
A hmaa khawvela ui lei sei ber chu Bisbee a ni a, 9.49cm (inches 3.74) a sei a ni.