BGMI Esports tournament-ah lawmman 25 lakh awm dawn

BGMI Esports tournament-ah lawmman 25 lakh awm dawn
Battlegrounds Mobile India, battle royale shooter BGMI ti a hriat lar chu kum khat dawn India-a an khap hnuah iOS leh Android platform-ah a rawn kir leh ta. Develiper Krafton chuan he mobile game hi May ni 29 khan playtime restriction tlem azawng nen India-ah an tlangzarh thar leh a, India-ah tum hnih an tlangzarhna a ni ta, a tuk lawk atangin BGMI chu esports tournament a a lailum luahtu a ni nghal a, esports leh gaming venture Skyesports chuan BGMI tournament an host nghal dawn a, lawmman sem chhuah tur pawh Rs 25,00,000 a awm dawn a ni.
He tournament hi Skyesports Champions Series tih a ni a, June ni 9 atanga tanga tanin, JUne ni 18 thleng a awh dawn a niin company lam chuan Twitter-ah an tweet nghal. BGMI tournament hi June ni 9, chawhnu dar 1-ah an tan ang a, Skyesports YouTube channel-ah an stream dawn a ni. He game hi July 2022 atangin India-ah khap a nih avangin competitive BGMI tournament zawng zawng an titawp vek a, tunah an thar thawh leh tan dawn ta a ni.
BGMI relaunch version hian nikhata a game khelh rei theih dan zawng (daiyly time limit) a rawn nei thar a, hei hi game khelh ngawlvei an tam tak avang leh hetiang ven nana an tih a ni pakhar. A update thar berah hian map thar, tropical island resort a rawn nei a, hei bakah hian in-game event thar neiin, classical maps an update bawk. Nikhata khelh rei theih zawng hi a kheltu kum upat danin a hril dawn a, naupang, kumtling lo tan chuan nikhatah darkar thum a khelh theih a, puitling tan chuan darkar 6 a khelh dawn thung a ni.
Thla kalta khan Krafton chuan India sorkarin India-ah BGMI tlangzarh leh an phal tak thu an puang a, thla thum chhung enchhin (trial basis)-in a kal phawt dawn a ni. He game hi nikum JUly thla atang khan India-ah khap a ni a, data privacy leh online security-ah him tawk lo awma an hriat avang a ni. BGMI chu Google Play Store leh Apple App Store atangin an dah bo ta nbghal a, hei hian mobile esports community pawh a nghawng na hle a ni.