Ukraine in Russia drone te lo dang

Ukraine in Russia drone te lo dang
Ukraine leh Russia inbeihnain ziaawm lam a la pan hlei thei lo a, nimin khan Ukraine chuan Russia in drone hmanga an rawn kahna tam tak an lo dang thei niin an sawi.
Ukraine sawi danin inrinni zan khan Russian drone tam tak chuan Ukraine hi tum bik pawh nei lovin a rawn kap a, 80 aia tam daih chu a rawn kap ngei nia sawiin, heng zinga a zahve hi chu leia a rawn tlak hmain boruakah an lo dang thei niin an sawi a ni.
He thil thlen hnu nimin khan Ukraine president Volodymyr Zelensky chuan thuchah tichhuakin, Ukraine mipui leh an khawtlang tante, ram tante theihtawpa an din ngheh tlat tur thu a sawi a, a tul chuan an hmanraw neih tha ber ber pawh an hman tur thu sawi tharin, Russia chuan indona tihtawp tuma hma a lak loh thu sawiin, na takin a chhang let bawk.
He thil thleng chungchangah hian Russia lam chuan thuchhuah engmah an la nei lo a, Ukraine lam hian thil tihchhiat leh nunna an chan a awm leh awm loh engmah a la sawi rih lo bawk.