Union budget pharh a ni Cancer damdawi tihniam

Parliament thutkhawm neih mekah Union Finance minister Nirmala Sitharaman chuan Thawhlehni khan Union budget 2024-2025 a pharh. Budget-a tarlan zingah, cancer damdawi leh mobile phone-a custom duty lakte nasa taka tihniamin, hei vang hian retail market ah a man a tlahniam hle dawn nia ngaih a ni. Gold, silver, leather telna bungrua leh seafood chawkluhna man pawh tihhniam a ni.
“Sawrkar chuan cancer damdawi pathumah custom duty a la dawn lo a. Mobile phone, charger leh mobile parts-ah custom duty lak ka tihniam bawk ang,” Nirmala Sitharaman hian a ti.
Gold leh silver-a import duty lak 6% in a tihniam a, hei vang hian industry official-te chuan retail demand a sang dawn a, heng tawlhruk lam hi nasa takin a tihniam dawn niin a sawi.
Hetihlai hian sawrkar chuan ammonium nitrate-a custom duty lak 10% a tipung thung a; tawih mai thei tawh lo plastic lam chi kan hman nasat – flex adt, non-biodegradable plastics ah pawh 25% in a tisang bawk. Telecom hmanrua chawkluh ho chu ah pawh a tipung a ni.