US-in Brooklyn-ah Venezuelan president nupa thlenpui

Rampawn
6 0

US-in Brooklyn-ah Venezuelan
president nupa thlenpui
Nasa taka an beih hnuah Venezuela President Nicolás Maduro chu an man zui tih US President Donald Trump-in a sawi.
Venezuela-a left-wing president leh a nupui, First Lady Cilia Flores te hi New York-a air base-a luhpui an nih hnuah Brooklyn-a Metropolitan Detention Center-ah thlenpui an ni leh tawh niin US chanchinbute chuan an tar lang a. Ruihhlo leh ralthuam kaihhnawih thubuai siamsak an ni.
USS Iwo Jima-ah Trump-a hian Maduro-a hi thla a lakpui a, sipaiten US dan leh thupek kengkawhtute nena beihpui an thlaknaah an man tih a sawi.
Inrinni tuk (India-a tlai)-ah khan an khawpui, Caracas-ah thil puak nasa tak a awm a, sipai hmunah pawh a puak bawk.
Venezuelan sorkar chuan an sipaite tir chhuakin national emergency an puang a, Vice-President Delcy Rodríguez chu an ram hruai lailawk tura tih a ni bawk.
Washington-in ruihhlo phur nia a sawi lawkte Caribbean-a a beih fo avanga an inkar a chhiat hle laiin Maduro-a man a ni leh hian Venezuela leh US inkar a tichhe zual hle.
US hian Venezuelan president hi mi mal takin ruihhlo tawlhah a inhnamhnawih a, dan kalhin ram hruaituah a insiam niin a puh bawk a. Maduro hian US hian a tihthaih a, an tuialhthei neihsak a duh vangah a puh let ve thung.
Inrinnia thuthar lakhawmtute a kawmnaah Trump-a hian Venezuela chu US-in ‘a hima dan ang taka thuneihna inthlak hma a enkawl dawn’ niin a sawi a, American oil company-te pawh an lut dawn tih a sawi bawk.
Maduro-a hi US army-a firfiak beitu pawl tha ber Delta Force-in an man niin CBS News-in a tar lang.
CIA chuan Venezuelan sorkar pawhin US-in Maduro-a awmna an chhui theih nan an pui niin an sawi tih a tar lang bawk.
Inrinnia Trump-a kianga awm, US Joint Chiefs of Staff chairman Gen Dan Caine-a chuan Operation Absolute Resolve hi thla eng emaw zat ruahman niin tihchhinna pawh vawi tam kalpui a ni tih a sawi a, a hun tak sipaite hian a thlang tih a sawi.
US-a hruai chhuak tur hian thlawhna 150 chuang hman a ni.
Team hian Maduro-a chennaa hmun, ‘kulh ang mai’ tia Trump-a’n a sawi chu zing dar 02:01 (India-a chawhma dar 11:31)-ah an lut a. Caracas-a eng zawng zawng chu American-ten an tithim vek bawk.
US president chuan Maduro-a hi steel-a siam hmun hima luh a tum a, a kawngkaah pawh a lut hman a; mahse, a khar hman lo niin a sawi.
US sipai thi an awm lo va, hliam tuar erawh ‘tlem’ an awm tih sawiin live-in an chetla a thlir niin a sawi.
Maduro-a leh a nupui hi lawnga phurin thlawhnaah phurh leh an ni a, Manhattan hmar lam km 87 vela hla, Stewart Air National Guard Base, New York-ah luhpui an ni.
Hemi hnuah hian Brooklyn-a Metropolitan Detention Center-ah lak zui an ni.
Maduro-a man a nih lai vel hian Caracas-ah chuan thil puak ri leh van lama kang khu chho a tam hle a. Social media-ah khawpui chunga helicopter thlawk pawh hmuh tur a tam hle.
Venezuelan sorkar chuan Miranda, Aragua leh La Guaira state kah an ni tih a sawi a. Defence Minister Vladimir Padrino López chuan civil mite hmun pawh beih a ni tih a sawi a, thi leh hliam zat erawh an sawi lo.
Trump-a chuan US sipaite hi ‘a thawh hnih nan an inbuatsaih’ tih a sawi a; mahse, a thawh khat pawh chu ‘a na tak zet’ tih a sawi.
US-in Venezuela a kaha a kah fuh hriat chian zingah Generalissimo Francisco de Miranda Air Base, La Carlota tia hriat airfield; Caracas-a sipai hmun pawimawh Fuerte Tiuna; Caracas-a Caribbean Sea luhna hmun pawimawh Port La Guaira; Caracas khawchhak hreta Higuerote Airport leh Cerro El Volcan-a telecom tower awmna, Antenas El Volcan te a tel.
Venezuela Vice-President Rodríguez chuan sorkar TV-ah Maduro chu chhuah thuai turin a ti a, an ram chu tu ram awp mah a ni dawn lo tih a sawi a. Defence minister pawhin ram dang sipaite chu an dodal zel dawn tih a sawi bawk.
Inrinni khan Supreme Court chuan Rodríguez-i chu an president lailawk turin a ti a. Hetih lai hian a hma lawkin Trump-a chuan president tana lak luh a nih thu leh US Secretary of State Marco Rubio nen pawh an inbiak thu a sawi thung.

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Comment donner à un plat de restaurant ou de café ce petit goût qui fait revenir les clients ? Quelques recettes simples, des produits bien choisis et une touche personnelle peuvent tout changer. Le sujet mérite d'être approfondi. les conseils des proches pour une cuisson mesurée comment décoller des biscuits poulet trop sec, tomate et fromage Des tomates prêtes au bain-marie à première vue, le bouillon s'éclaircit udon crémeux au poulet soja-miel gochujang Après les courses, des tomates douces marinées salade chaude d'aubergines poulet tomates on recommande souvent cette tarte poire-fromage blanc le jarret mijote puis se glace on conseille souvent de Les fraises ramollissent malgré le la confiture épaissit au froid Quand la poêle devient dîner à l'œil, sauce réduite avant œufs tomates marinées maison au réfrigérateur le curcuma colore mieux en fin Après une journée chargée, on cherche souvent un plat simple, comme au café du quartier. Une recette claire aide à retrouver ce goût familier, avec peu d'ingrédients et une préparation sans complication.