US-in FTO-ah Houthi dah leh

US-in FTO-ah Houthi dah leh
United States chuan Thawhlehni khan Yemen-a Houthi chu Foreign Terrorist Organisation (FTO) zingah a telh leh ta a, hei hi January thlaa President Donald Trump-a’n thupek a siam kal zela tih a ni.
Iran-in a thlawp hel pawl hian Yemen ram zau zawk thununin an khawpui, Sanaa pawh an thunun tel a. October, 2023-a Gaza Strip-a indona a chhuah atang khan vawi tam tak Israel chu missile-in a kap tawh bawk.
Red Sea leh Gulf of Aden-ah sumdawng lawng liante an bei fo bawk a, hei hian khawvel puma sumdawnna kaltluang a tibuai hle bawk.
“State Department-in vawiina thupek a tihchhuah hi Trump-a sorkarin ram himna a ngaih pawimawhna, American himna leh United States himna atana a inpekna tihlanna a ni,” tiin Secretary of State Marco Rubio chuan thu a chhuah.
Trump-a hian January thla tawp khan thupek siamin Houthi-te hi FTO-ah a dah let leh a, a president hmasak lai khan a lo dah tawh bawk.
FTO-a a dah leh hian Houthi nena inzawma thil tiho reng reng chu US-in a hrem na thei dawn tihna a ni a. Anmahni hi Yemen-a cheng tam berte awmna laia inkhuar an ni.
President hlui, Joe Biden-a khan Yemen-a puih mamawh tak takte chu helho tel lova a puih theih loh avangin Houthi-te hi list atangin a lo paih tawh.
Yemen hi hi kum 10 kal taa indona a chhuah hma atang tawh khan Arabian Peninsula-a ram rethei ber a ni sa a. Tunah phei chuan khawvel puma mihring nunphung pangngai ang tur neih phak loh nasat berna niin mi cheng maktaduai 34 zinga hmun thuma thena hmun hnih hi puih ngai an ni.