Uttarakhand CM in BJP candidate campaign pui

Uttarakhand chief minister Pushkar Singh Dhami chuan nimin khan Haryana-ah BJP candidate campaign puiin, BJP chu Haryana a tling ngei tura a duhsak thu a sawi a, central a sorkar na chelh mektu an nih avangin ‘double engine’ hmang ngei thei tura an chak ngei a ngaih thu a sawi.
Haryana mipuite chu kum 10 chhunga an state chhunga BJP hnathawh zozai leh PM Modi duhsakna an chan zawng zawngte hrereng turin a ngen a, kawng engkimah hmasawnna hnathawh a ni emaw, hna lak leh loneitute, infiammite bakah thalai leh hmeichhe lam thlenga an hmalakna zawng zawngte hrereng tura ngenin, an state tana BJP sorkar in a tihhlawhtlinsak zawng zawngte chu an state mipuite tana vote tham a nih thu a sawi bawk.
Dhami chuan Congress party chu vote tlak an nih loh thu sawiin, kum 2014 hmalam kha thlir ula, Haryana state chu corruption hmunpui a nih thin thu leh, tunah chuan Haryana chu a danglam tak thu sawiin, double engine vuah chung ngeia BJP in sorkar na an chan leh ngei a tul thu sawiin, Congress a kap zui sak bawk.
Haryana assembly election hi October ni 5 hian neih a ni dawn a, October ni 8 ah vote tlate hi chhiar a ni dawn a ni.