Victoria leh David Beckham ten Brooklyn pianchampha-ah duhsakna an hlan

An chhungkua an buai viau a, an fapa upa Brooklyn Beckham chu a nu leh pa, Victoria leh David Beckham te lakah a hel tlat mai a, January thla khan an chungkaw buaina hi rawn alh chhuakin Brooklyn hian Instagram lamah a nu leh pa te tana ngaihthlak nuam lo tak tak tur thu mei nei tak tak a rawn post kha a nia. Han rik deuh laih te pawh a awm kha. Mahse, nu leh pa chu nu leh pa an lo ni nge nge e, an fap upa ber Brooklyn Beckham chu a pianchampha, March ni 4 kan pianchampha lawmpuina an hlan an thulh chuang lo.
Victoria leh David te hian Instagram-ah a hrang ve vein Brooklyn kum 27 tlin champha lawmthu hi an post a. Victoria chuan Brooklyn naupan laia an nupaa tui an chenpui thlalak dah chhuakin, a caption-ah “Happy birthday Brooklyn, kan hmangaih ngawih ngawih che,” a ti a, hei bakah hian a fapa nena an thlalak post-in, “Brooklyn i kum 27 tlin champha kan lawmpui che, ka hmangaih tak zet che” tiin a caption-ah a dah bawk.
David Beckham pawhin Victoria post ang tho, tui an cheng ho lai thlalak post-in, “27 today” tih leh white heart dahin, “Happy birthday Bust” a ti a, white heart dah lehin, “Kan hmangaih che x” a ti bawk. David hian thlalak dang, Brooklyn a elementary school kal laia an thlalak dah chhuakin, “Happy Birthday Bust. Love you x.” a ti bawk.