MLA-te inhaivur chungchanga hma la turin PC party-in Val Upa Council hnena hma la tura an ngenna chu thla khat liam hnu ah pawh chhanna an la hmu lo.
PC preseident Vanlalruata chuan lehkha hi anmahni ngeiin ZPM Val Upa Council (VUC) hnenah an pe a, tun thlengin an la chhang loa, ‘reminder’ thawn an tum mek, tiin The Aizawl Post zawhna a chhang.
Kumin May 6 khan PC party hian MLA-te inhaivurna uchuak leh speaker car thar chungchangah hma la turin ZPM VUC hnenah ziakin a thlen a. Inrenchem sawi reng laiin uchuak taka invulhin, simple interest-a kum khata zaa 5.5 leka pung turin MLA 40-in mipui sum atangin kuminah cheng nuai 1050 puk an tum tih a thlen.
‘Hetiang em em hian MLA term kal tawha MLA-te an la invulh ngai loa, mipui min zah loh dan hi a uchhuak a ni,’ a ti.
PC party chuan ZPM chuan an kalsual veng turin VUC an nei tih MLA inthlan campaign laia an sawi angin, an kalsualna chu VUC hnenah an thlen tih a sawi a ni.
VUC-in PC la chhang lo
Get real time updates directly on you device, subscribe now.