Russia-a Wagner mercenary group hotu lu chuan an sipaiten Ukraine city Bakhmut chu Russian sipaite kutah hlan tawhin an insaseng mek tawh tiin a sawi.
Hetih lai hian Japan chuan Russia chuan a coastline hnaihah thlawhna te a lakhawm tiin a fighter jet te inralring turin a ti a, Moscow chuan China special envoy leh Foreign Minister Sergei Lavrov te chuan Ukraine chungchang an sawi dun dawn a ti bawk.
Bakhmut atangin Wagner te chuan an fighter te an lakchhuah tan tak thu sawiin Bakhmut khawpui pum chu kar kalta tawp lam khan an thuhnuaiah an dah vek tawh tiin an sawi a.
Ukraine thung chuan Bakhmut chu Russia kutah a tlu lo tia sawiin district thenkhat lai an la thunun thu leh Bakhmut panin an sipaite an kal mek tiin a sawi bawk.
Bakhmut lak tuma inbeihna hian kum khat dawn awhin Russia chuan he industrial hub lak a nih theih nan hian Wagner sipai te chu hmathehah a hmang a ni.
“Bakhmut atangin kan inla chhuak tan tawh a. Kan thunun hmun te, ralthuam leh engkim mai Russia sipai te kutah kan hlan,” tiin Wagner boss Yevgenny Prigozhin chuan a sawi.
“Kan inhnukdawk tawh a, kan chawl ang a, chutah kan inpuahchah leh anga hna thar kan thawk leh ang,” tiin Progozhin chuan a sawi bawk.
Kar kalta tir lam khan Proigozhin chuan Ukraine indona atana sipai atana a lak atangin 10,000 vel zetin nunna an chan tiin a sawi bawk a.
Kum 61-a upa Kremlin ally hian nikum khan Russian prison fangin lung in tangte chu Wagner sipaia an tang a nih chuan an thubuaite chinfel veka ngaihdam an ni ang tiin a thlem a ni.
Wagner Mercenary ten Bakhmut khawpui Russian sipaite kutah an hlan tawh ti
Get real time updates directly on you device, subscribe now.
Prev Post
Next Post