Aizawl Municipal Corporation-a by election neih turah sawrkar lai mek MNF atang bawkin thlantlin leh mai a fuh ber a rinawm tih MNF hruaitu Dr R Lalthangliana chuan a sawi.
AMC Ward No. XIX corporator thlan turah MNF senior vice president Dr R. Lalthangliana hian ward chhung veng hrang hrangah an party hruaitu leh mipui a tlawhkual a. AMC-a ruling lai, sawrkar ngelnghet tak siam mek MNF-in an candidate Dr Lalrinzuali Hrahsel chu vote tlak, kohhran leh khawtlang tana mi tangkai leh rintlak, mi harsate khawngaihtu leh chhawrnaawm tak tur a ni, tih a sawi
“AMC din tirh ata sawrkar intawm a lo ding tawh thin a. State khawpui ber hmasawnnan AMC sawrkar lai, term pawh la hmang zo loah hian rorel lai mek thlantlin leh mai chu ward tan a fuh a. Sawrkar ngelnghet tak din a pawimawhin, khawpui cheina atan leh hmasawnna atan a tul hle,” a ti.
Ward tan rorel lai mek thlantlin mai a fuh ring
Get real time updates directly on you device, subscribe now.