Washington-a thlawhna insu blackbox pakhat hmu tawh

Washington-a thlawhna insu blackbox pakhat hmu tawh
Washington DC bul, Ronald Reagan National Airport bula passenger phur thlawhna leh sipai thlawhna insua a bul, Potomac River-a tla ta zinga passenger phur zawk thlawhna blackbox pakhat hmuh tawh a ni a, chhui zui mek a ni.
Thuneitute chuan mihring phurtu zawk, flight flight -a black box pakhat chu Potomac River-ah hian an hmu tawh tih an sawi a. Hetah hian flight data leh cockpit voice recorder a awm a, engtin chiah nge tawhsual an tawh tih hi a hriat theih beisei a ni.
Lui atang hian ruang 28 lak chhuah tawh a ni a, an zingah hian helicopter-a chuang sipai pathum pawh an tel a. Tui hi tui khang theihna khawp a ni a, vawt tak karah ruang zawn hna hi thawh a ni.
Federal Aviation Administration (FDA) chuan air traffic controller pakhat, helicopter chevel viltu zawk, tumhmuna atanga thlawhna dang lut leh chhuak nen an intawk palh thei em tih entu chu he chetsualnaa mawhphurtu pakhat a ni tih an sawi niin The Associated Press chuan a tar lang.
Report an siamah thawktute tih dan chu ‘tih dan pangngai lo’ tiin an tar lang a. Hetih lai hian air traffic control tower hotute chuan tawhsual tawh zan, Nilaini zana duty-te chu a pangngai vek an ni tih an sawi ve thung.
US President Donald Trump chuan thuthar lakhawmtute a kawmnaah chetsualna chu pumpelh theih a ni tih a sawi a. Tumah dama chhuak an awm lo tih a sawi.
Passenger phur thlawhnaa chuang zingah hian Skating Club of Boston member-te pawh an tel a, anni hi Wichita-a 2025 US Figure Skating Championships neih zawh hnua development camp nei zuia haw lam an ni.
Fairfax County, Virginia-a zirlai pathum leh an nu leh pa paruk pawh an tel bawk.
Passenger phur thlawhna hi mi 64 chuanna niin Black Hawk-ah hian pathum an tel a. Kum 2009 hnua United States-a thlawhna chetsualna lian ber a ni.
Chetsualna hi an ram huna Nilaini zan dar 9:00 vel, India-a Ningani zing dar 7:30 vela thleng niin passenger phur hi Wichita, Kansas atanga United States khawpui pan a ni a. Helicopter hi training flight niin Fort Belvoir, Virginia atanga chhuak a ni thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More