West Ham in ECL final an lut

On May 20, 2023 21 0

al khelh zawh a ni a. London club West Ham chuan AZ Alkmaar paltlangin final an lut. Semi-final lehlamah Fiorentina in FC Basel an hneh a, final an lut ve bawk.
London Stadium-ah 2-1 hnehna chang tawh West Ham chu hnehna chan nawn leh ngei tumin AFAS Stadion-ah an leng lut a. Inkhel hmuhnawm takah Hammers hian minute 90+4 a Pablo Fornals goal thun hmangin hnehna an chang nawn leh a. Si belhkhawmah 3-1 hnehna changin final an inhlangkai ta a ni. EPL-ah 15-naa awm mek West Ham tan hian Europa Conference League-ah champion a pawimawh hle a. Fiorentina hneha an champion a nih chuan season thar Europa League-ah an inlan thei dawn.
EPL khelh hmabak game hnih an la neihah West Ham him chiang turin point khat an la mamawh a. Kum 1965 hnu lamah a vawi khat nan European competion final an lut nawlh hian a fuih phur hle ngei dawn a, EPL khel chhunzawm tura an him bakah, Europa league khel turin Conference League final-ah an chak theih a beiseiawm.
Europa Conference semi-final lehlamah Italian club Fiorentina chuan an mualah 2-1-a an hneh loh FC Basel chu 3-1 in an hneh let a, ropui takin final an lut.
First leg-a tlawm tawh Fiorentina tan hian Nicolás González chuan minute 35-naah hmahruaina goal a thun. He goal hmang hian si belhkhawmah 2-2 a ni chiah a, hei hian inkhel a tihmuhnawm leh zual.
Chawlhlawk hmaa hnufual zawk FC Basel hian second half-ah bul an tan tha a, minute 55-naah Mohamed Zeki Amdouni chuan hma an hruai letna goal a thun. Tla thei dinhmuna an din thar leh hnuin Fiorentina in goal thun ngei tumin tan an khawh a, minute 72-naah goal hmahruai thuntu Gonzalez chuan goal thun nawn lehin an si phurh a sut. Si belhkhawmah 3-3 a nih hnuin hun pangngaiah chak zawk an awm thei lo. Extratime-ah pawh goal lut a awm lawk lova, penalty pet a ngai ngei tura ngaih a nih hnu; minute 120+9-ah Antonín Barák chuan Fiorentina tan goal pawimawh zet mai a thun a. FC Basel laka 4-3 a hnehna changin final an lut zui ta a ni.
Europa Conference League final hi June ni 7 khian Prague khawpuia Fortuna Arena-ah khelh a ni ang.