West Ham in semi-final an lut

West Ham in semi-final an lut
Ningani zan khan Europa Conference League quarter-final khelh zawh a ni a. West Ham United chuan Mimualah 1-1 an inhnehtawkpui tawh KAA Gent chu London Stadium-ah 4-1 in an hneh a, semi-final an lut. West Ham hian AZ Alkmaar an hmachhawn zui leh ang.
London Stadium-ah KAA Gent in bul an tan tha zawk teh tlat a, minute 26-naah Hugo Cuypers chuan hmahruaina goal a thun. An mualah hnufual zawk an nih hnuin Hammers in na takin an mikhual an nawr let a, goal li ngawtin an lehthal chiang hle.
Hammers tan hian Michail Antonio chuan minute 37-naah goal thunin an si phurh a sut a. Minute 55-naah Lucas Paquetá chuan penalty atangin hma an hruai letna goal a thun. 2-1a hma an hruai hnuin Arsenal pan ngei tura ngaih Declan Rice chuan minute 58-naah goal thunin an hmahruaina a tizau a. Goal hmahruai thuntu Antonio chuan minute 63-naah an goal lina a thun zui leh bawk.
Europa Donference semi-final ah hian West Ham leh Anderlecht hnawtchhuaktu AZ Alkmaar an intum ang a. Nice hnawtchhuaktu FC Basel leh Lech Poznan hnawtchhuaktu Fiorentina an intum ve thung ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More