Whyte hmachhawn tur Joyce

British boxer lar Dillian Whyte chuan inhnek a hmachhawn leh dawn hnai a, Joe Joyce nen April thla khian Manchester-ah an inhmachhawn dawn.
Pathianni zing khan Manchester khuaa in April Co-op Live Arena-ah hian palian boxer lar Dereck Chisora chuan a khingpui Otto Wallin a hneh. Chisora leh Wallin te inhnekna hmun hi Whyte leh Joyce te inhnekna hmun tur a ni chu a ni a. April ni 5 khian inhnek hmuhnawm tak lantir tumin an inhmachhawn ang.
Kum 36 mi Dillin Whyte hian inhnek vawi 31 a hmachhawn tawh a, vawi 28 hnehna changin tlawm zawkah vawi thum a tang tawh. Inhnek a hmachhawn hnuhnun ber 2022 khan a khingpui Jermaine Franklin a hneh hram a. August 2024-ah Anthony Joshua nen inhnek nawn leh tur an nih laiin drugs test a paltlang zo lova, Joshua a hmachhawn nawn thei lo. Joyce lakah fiahna hautak a hmachhawn dawn a, a hming chher lian nawn leh turin hnehna achang ngei a tum ang.
Hetihlai hian 2016 Olympic Silver medalist Joe Joyce hian inhnek vawi 16 a hmachhawn tawh a. Whyte tlawm zak vawi thum a tlawm ve tawh bawk. WBO interim champion Joyce hian inhnek ngaihven hlawh takah China palian Zhilei Zhang chu July 2023 khan a hneh lo. April thlaa a khingpui tur Whyte hneh ngei tumin a inbuatsaih ang.