World club champion Real Madrid
An record kawl lai tichhah zual turin Inrinni zan Fifa Club World Cup final-ah Real Madrid chuan 5-3-in Asian champion Al Hilal Saudi Football Club an hneh a, he tournament final tum nga an khelh takah an la chak fai vek!
Morocco khawpui Rabat-a final nung takah hian goal riat zet lutin, chu’ng zinga goal hnih chu Vinicius Junior tihluh niin, Federico Valverde chuan Euro-pean champion Real tan goal hnih bawk thawhin, La Liga giants goal khat dang hi Karim Benzema thun a ni thung.
-- Advertisement --
Al-Hilal tan hian Moussa Marega chuan goal khat thunin, an goal hnih dang hi Luciano Vietto tihluh a ni.
Carlo Ancelotti team Real Madrid hi kum 2014 atanga 2018 chhung khan vawili champion tawhin, khati chinah pawh khan he trophy hawn ngun ber an ni tawh a, tunah Saudi club hnehin an record neihsa an tichhah a; he tournament hnuhnung 10-ah European team zel an la champion a, khaw-mualpui dangte tan kawng a inhawng lo a ni ber!
Club World Cup tia an thlak hma Interconti-nental Cup tih a nih laia vawithum champion tawh Real Madrid hian khawvel huap club inelna trophy hi vawiriat an la tling tawh a ni.
Hming pahnih hun chhunga club hlawhtling dang pahnih AC Milan leh Bayern Munich chu vawili ve ve an champion ve tawh bawk.
Bernabeu club hian semi-final pakhat zawk-ah 4-1-in Egyptian club Al Ahly an sawp a; Oxford United boss hlui Ramon Diaz-a enkawl Al-Hilal hian Saudi team zinga he tournament final lut hmasa ber ni turin last four inkhel dangah Brazilian club Flamengo an hneh ve thung.
Khawmualpui cham-pion lai theuhte bakah a thlengtu ram champion-te chauh khelh mi a nih avangin nikum champion Chelsea chu kuminah an title kawl lai humhim turin an inlan thei lo.
Fifa chuan he tourna-ment khelh dan phung (format) tihdanglam tumin ruahmanna a siam a, an tum ang chuan June 2025 atangin team 32-in kumli danah an khel tawh ang.
Prince Moulay Ab-dallah stadium-ah khan Arab team-in goal thum lai tilut ve bawk mah se hun tam zawk chu Europe champion-in inkhel an thunun a, sir khat chauha inkhel an nih chhung a rei a, Ancelotti team khan 70% ball an chang.
Pathumna inchuhah South Ame-rican cham-pion Flamengo chuan 4-2-in Egyptian club Al Ahly an hneh ve bawk.