Academy of Country Music (ACM) Awards chu naktuk zing hian Amazon Prime Video-ah free live stream-in award an sem dawn a, mahse, award sem hmain ACM chuan Hailey Whitters chuan new female artist of the year a dawn thu leh Zach Bryan-a’n new males artist of the year a dawn thu an puang lawk a, Whitters leh Bryan te tan ACM Award an dawn vawi khatna ve ve tur a ni.
Whitters hian Billboard Hot Country Songs-ah top 30 kai thei hla ‘Everything She Ain’t’ a nei a, he hla hi nikuma a tlangzarh ‘Raised’ album-ah a dah tel a, ani hi zai bakah hlaphuah lamah pawh a duai lo riau a, Little Big Town, Alan Jackson leh Martina McBride te pawh a hlaphuah an lo sa tawh a ni.
Zac Bryan pawh hian Billboard Hot 100 top 10 kai thei hla ‘Something in the Orange’ a nei a, he hla hi Hot Country Songs leh Hot Rock & Alternative Songs chart-ah kar ruk chhung a No.1 thei bawk. 2022-ah album ‘American Heartbreak’ a tlangzarh a, country albums chart-ah No.1 a kai a, a album dang ‘Summertime Blues’ pawh No.7 a kai bawk.
Zach Bryan leh Hailey Whitters ten ACM Award an dawng
Get real time updates directly on you device, subscribe now.
Prev Post