Zan sarih chhung Pakistan-in ramri-ah silai hmet puak ta

Ramchhung
9 0

Zan sarih chhung Pakistan-in ramri-ah silai hmet puak ta
Pakistan Army chuan Line of Control (LoC) hrula Kupwara, Uri leh Akhnoor sector-ah te ralthuam tenauin India lam hawiin silai an hmet puak leh ta a, Nilaini zan hi Pahalgam beihna a thlen hnua a zawna zan sarih an kahna a ni tawh.
“April 30-May 1, 2025 zan khan Pakistan Army hian LoC hrula an ep Jammu & Kashmir- Kupwara, Uri leh Akhnoor lam hawiin silai tenau an kap leh ta a. Indian Army pawhin an tih ang bawkin a chhang let,” tiin Defence PRO Lieutenant Colonel Suneel Bartwal chuan a sawi.
Thawhlehni tukah khan India hian Pakistan chu Jammu & Kashmir-a LoC-ah inkahhai bawhchhe zawnga khawsa tawh lo turin a lo ti tawh.
India-in ti tawh lo tura a tihna hi Pahalgam beihna a thlen hnua ram pahnih inkar a chhiat mek laia hotline hmanga India leh Pakistan Director General of Military Operations (DGMO) inbiaknaah sawi chhuah a ni.
Pakistani sipaite hian India-in Pahalgam-a mi firfiakten mi 26 an thah hnua Indus Water Treaty a tihtawp lailawk hnu lawk, kar kal ta Ningani zan atang khan LoC hmun hrang hrangah India hawi hian silai a hmet puak tan.
February 25, 2021 khan Indian leh Pakistani sipaite hian LoC hrula inkahhai tur hian inremna an siam a, hei hi kum 2003 khan an nemnghet nawn leh a. Hei hi kar hmasa thleng kha chuan zah takin an kalpui tawn.
Pakistan-in inkahhai a bawhchhiat fo lai hian India lama ramri hrula chengte chuan an bunker-te an tuaihnum leh tan.
Lei laia bunker an siam thin, ‘Modi bunker’ tia an sawi hi International Border (IB) leh LoC hrula Pakistan-in kahhai bawhchhiaa India hawia silai a hmet puah changa an tawmna thin a ni.
April 25 leh 26 khan Kashmir leh Jammu hmun eng emaw zatah Pakistan hian silai a hmet puak a. April 27 khan Tutmar Gali leh Rampur sector-ah an hmet puak leh bawk.
April 28 khan Pakistan Army hian Poonch leh Kupwara sector-ah inkahhai an bawhchhe leh a. A tuk, April 29-ah pawh Akhnoor district-a Pargwal sector-a Chenab post chu an kap bawk.
April 30 khan nasa zawka chein Pakistan Army hian Baramulla leh Kupwara district-a India sipai tanhmun a kap a, Pargwal sector-ah a kap bawk.

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Quasi tutti sbagliano cottura, temperatura e riposo della carne, perdendo sapore e tenerezza. Le ricette di MEAT TO mostrano come valorizzare ogni taglio: vale la pena approfondire tecniche e abbinamenti. anche le verdure si pastorizzano come ottenere pollo Quando le prugne In estate, pomodori marinati alla mela quel profumo sulla carne: salsa di corniolo la cipolla diventa polvere cuocendola al forno A tavola, brodo dorato con curcuma e cipolla estate: manzo alla piastra cena veloce con patate e würstel in tavola, udon cremosi e pollo il tocco aromatico del il consiglio degli In estate, insalata fredda senza fornelli tra padella e piastra, crêpes senza strappi anche il grano In autunno, bollitura e cottura senza ammollo come rendere cremosi i cuori di quando vuoi zucca arrosto preparazione lampo di cetrioli aromatizzati I consigli degli amici non funzionano sempre: per andare sul sicuro, prova le ricette di MEAT TO, dove tagli e cotture valorizzano ogni piatto.