Zaporizhzhia nuclear plant bei

Ukraine-a Zaporizhzhia nuclear power plan chu drone hmanga beih a nih avangin ‘nuclear putru’ awm theihna a sang hle tiin UN’s atomic watchdog te chuan an sawi.
Russia chuan drone hmanga beih chu Ukraine tih a ni tiin a sawi a, mi pathumin hliam an tuar a, Ukraine erawhin a tih a nih loh thu a sawi thung.
Zaporizhzhia nuclear plant lian tak hi Russia-in a thunun mek niin Rusisa-Ukraine buainaa hmatawng niin reactor paruk lai awmna a ni bawk.
UN’s International Atomic Energy Agency (IAEA) chuan nuclear plant te chu bei lo turin ngenna a siam chamchi a. IAEA head Rafael Grossi chuan thil duhawm lo leh tha lo zet thleng thei a ni tiin a sawi.
Southern Ukraine a Zaporizhzhhia plant hi Europe a nuclear plant lian ber niin February 2022 a Russia n Ukraine a run tan tir khan la in a thunun nghal a, Russia chuan Zaporizhzha region pumpui deuh thaw a awp mek bawk.
Kum 2022 atang khan he plant hian power a pechhuak tawh lo va, mahse a reactor te tidai turin electricity la mamawh reng niin offline hmak ang chu a ni thei lo a ni.
Drone hmanga beihna avang hian Russia dah thuneitute chuan pawikhawih nasat a nei lo tiin radiation level pawh a normal tiin an sawi thung a.
IAEA chuan tihchhiat pawi nei lo mahse ractor’s containment system tana pawi thei a nih avangin tha lo an tih thu sawiin plant main reactor containement structure chu drone pathum laiin an fuh a ni a ti.
“Nuclear facility beih avang hian tumahin sipai emaw politics thilah emaw hlawkna an nei dawn lo. Khawih chi a ni lo, beih thiang a ni lo bawk” tiin a sawi.
Ukraine leh Russia chu an inpuhtawn ve ve a. Kremlin thupuangtu Dmitry Peskov chuan inrunluihna hlauhawm tak a tih laiin Ukrainian main intelligence Directorate thupuangtu Andriy Yusov thung chuan ‘He thilah hian Ukraine in inhnamhnawihna a nei lo’ tia sawiin he plant hi dan kalha Russia in a awp mek a ni tiin a sawi bawk.
Kar kalta khan Zaporizhzhia region chu Russian forces ten misisle 350 chuangin darkar 24 chhungin an bei tiin Governor Ivan Federov chuan a sawi a, mi pathumin nunna chanin midang pathumin hliam an tuar tiin a sawi bawk a. Kar kalta khan Russia chuan Zaporizhzhia city beiin mi paliin nunna an chan bawk.