Zirlai harsate tan hmanpuk theih sum ruahmansak ngen

Zirlai harsate tan hmanpuk
theih sum ruahmansak ngen
Zirlai harsate tan an zirna senso atan sum hmanpuk theih ruahman sak turin Student Self- Support Union chuan chief minister an ngen.
SSU Gen. Hqrs. hruaituten Thawhlehnia chief minister Lalduhoma an hmuhnaah rawtna hrang hrang an thlen a. Zirlai harsate harsatna ti ziaawm turin an zirna senso atan sum an hmanpuk theihna sawrkarin ruahman sak tura an ngen bakah zirlaiten tum mumal tak neia lehkha an zir theihnan zirna in tinah sawrkarin Career Counseling Center din thei se an duh tih an thlen.
Tunhnaia zirtirtu nungchang tha lo, Bilkhawthlir khawtlang pawhin an complain mek Govt. T Robert High School Hindi zirtirtu chu ban ngei nise, tiin an thlen bawk a. Rawtna hrang hrang hi chief minister chuan uluk taka a lo zirchian tur thu a lo hrilh a ni.