Zirlaite silaia kapa hnawh darhtu police suspend

Indian thuneitute chuan kartawpa ziraiten khawchhak lam state-a lungawi lohna an lantir hnawh darh nana van lam hawia assault rifle kaptu police pakhat chu a hna atangin an chawlh lailawktir (suspend).
Tun hnaiah India-ah hian thalaiten union education minister a bân phutna liantham tak an lantirna kal zel pakhat a ni.
July 20-a khawpui ber, New Delhi-a zirlai sang telin parliament pana kawng an zawh pawh police hian tharum an hmang nasa nia sawi a ni a. Tiangin an vua a, tear gas-in an kap bawk nia sawi a ni.
Social media-a zirlaiten video an tihchhuah, police pawhin a tak a ni tih an finfiah tawhah chuan police hrem tak hi riot gear-a inthuamin Inrinna Bihar-a Siwan khawpuia lungawi lo pungkhawmte hi a pan a, AK-47 ​silaiin a tin a, van lamah vawi thum a kap tih a lang.
Bihar police hotu sang, Nilesh Kumar-a chuan tumah thi leh hliam an awm lo tih a sawi a, constable hi ‘mi sualte hmachhawn tur’ intelligence unit-a tel, assault rifle ken phalsak zinga mi a ni tih a sawi.
“Constable-in AK-47 a hmang hi a dik lo thung a, engtin mah sawi fiah theih a ni lo,” tiin Deputy Inspector General of Police Kumar-a chuan Thawhtanni khan Reuters a hrilh a. “Zirlaite lakah a ni a, a hmang dik lo a ni. Hei hi kan suspend chhan a ni a, a tul angin a lakah hma lak a ni,” a ti.
Tar lan tawh thin angin Indian thalaiten lungawi lohna an lantir hi May thlaa ram pum huapa medical college-a lut theite zawnna exam zawhna put vang a ni a, zirlai maktaduai hnih chuang exam-in zawhna put vang hian exam nawn leh an ngai a. Hei bakah hian thalai hna nei lo tam lutuk chu an aupui bawk.
Prime Minister Narendra Modi-a sorkara education minister chu zirlaiten Cockroach ​Janta Party (CJP) an tihte kaihhruaia chawlhkar nga dawn an nawr hnuah Inrinni chawhnu khan a bâng a ni.