Zirtirtu ngenna tawpsan rih
Govt Blue Mountain High School Sangau headmaster transfer bakah zirtirtu leh thawktu dang indaihlohna phuhruk tura ngenna avanga he school-a zirtirtute kal tur dan leh Sangaua sawrkar pisa leh zirna in dang kal tur dan thlenga hma lak tawhna chu tawpsan rih a ni.
Hemi kawnga hma latu, Lai Students’ Association Sub Hqrs Sangau thuchhuah danin, an thil phutah hian July 5 zan khan Sangaua VC leh all NGO hruaitute nen an thutkhawmna thu dah bawhzuiin July 6 khan bialtu MLA H Biakzaua hoin an sawi ho leh a, sawrkar dinhmun te sawi niin, Mizoram sawrkarin zirtirtu a lak leh hmasak berah Govt Blue Mountain H/S -a mathematics zirtirtu pakhat tal dah a nih theihna’n hma lak a ni ang, tiin thu an dah a. Zirtirtu nghet an neih theih hma chu sawrkarin mathematics zirtirtu leh LDC hna thawk tur a rawihsak dawn tih intiam bawkin, LSA hian an lungawihlohna hi tihtawp lailawk an remti a ni.
Zirtirtu lak hmasak berah maths zirtirtu hi an nei thei dawn lo a nih chuan khawtlang hruaitute leh MLA te nen a tul anga hma lak ho leh nise an ti.
Zirtirtu ngenna tawpsan rih
Get real time updates directly on you device, subscribe now.
Prev Post
Next Post