ZPMY president-in lawmthu sawi

ZPM Thalai Hqrs. president Jeje Lalpekhlua chuan Lok Sabha inthlana an party official candidate thlantlin a nih chungchangah lawmthu sawina thuchhuah a siam.
April 19-a Mizoram state aiawh tura Lok Sabha MP thlan, June 4-a vote chhiar zawh takah Pathian leh mipui duhsakna changa ZPM official candidate Pu Richard Vanlalhmangaiha thlanchhuah a ni ta chu lawmawm a tih thu a sawi a. Thlantlin a nih theihna tura ZPM party aiawha theihtawp chhuaha Mizoram dung leh vang fanga campaign-a thawkchhuak, sum leh pai bakah an hun hlu tak senga theihtawp chhuahtute hnenah lawmthu a sawi a ni.
ZPM Thalai Hqrs aiawha Aizawl hmun hrang hranga street campaign neih avanga mahni hun hlu tak kalsana theihtawp chhuaha kalchhuakte bakah veng hrang hranga he street campaign neih tawiawmtute hnenah lawmthu a sawi bawk.
“2024 MP inthlan a hlawhtlin theihna tura party hrang hrang aiawh leh independent candidate-te bakah inthlan a hlawhtlin theihna tura sawrkar aiawha duty zawng zawng, an hun hlu tak kalsana vote thlaktute hnenah lawmthu ka sawi a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More