ZRI-in inhlantharna an nei

ZRI Charity Group chuan inhlantharna neiin, executive meeting an nei nghal a, an naupang enkawl lai zinga result chhuak mi 10-in hlawhtlinna an chan vek thu an sawi a, kumin school kum tharah pawh naupang harsa zawk, school kal thei lo pathum sponsor belh ni se an ti a, an naupang enkawl mek zinga pakhat chuan entrance a paltlang a nih chuan B.Pharm zirtir ngei ni se an ti bawk.
ZRI Charity Group President Lalrozama Ralte chuan, “|anpuingaite tanpui hi Pathianin min siam chhan a ni a, he khawvelah hian chawimawina ropui dawng lo mah ila, heng kan naupang tanpui ngai kan tanpuite hi nakina kan lallukhum turte an ni a, kan enkawl belh tur, naupang pahnih phei hi chu raltlan, tisa leh thlaraua mangang, rum vawng vawngte zinga mi anni lehnghal a. Hetianga mi mangangte lo enkawla, zirna tha pek hi Pathian rawngbawlna pawimawh tak a ni tih hriain, theih tawp tak meuh kan chhuah a tul a ni,” a ti.