Zu khapna dan hman mek tih phuisuina tur sawipui

Chief minister Lalduhoma chuan Thawhtanni khan Excise & Narcotics Department hotute a kawm a. Zu khapna dan kenkawhnaa thil pawimawh leh he dan tih phuisuina tur a sawipui.
Chief minister hian The Mizoram Liquor Prohibition Act 2019 leh The Mizoram Liquor Prohibition Rules 2022 kenkawhnaa thil pawimawh thenkhat bakah dan hman mek tihphuisuina tur thenkhat a sawipui a. Ruihhlo do chungchangah sawrkarin a tir phat atangin ruihhlo donaah theihtawp an chhuah nghal tih sawiin, “A bikin Excise & Narcotics Department leh tlawmngai pawl hrang hrang hmalakna a fakawm hle a, tih takzetin an bei tih a hriat a, chutihrualin kan hmabak erawh a la ko hle,” a ti. Thahnemngai taka ruihhlo chu bei zel tur an ni tih a sawi a ni.
Inkawmnaah hian Excise & Narcotics minister Lalnghinglova Hmar, secretary Lalramsanga Sailo, Excise & Narcotics commissioner Z Lalhmangaiha bakah senior officer thenkhat an tel.