2023 BET Hip Hop Awards-ah Kendrick Lamar a langsar ber
2023 BET Hip Hop Awards-ah Kendrick Lamar a langsar ber
2023 BET Hip Hop Awards chu Atlanta-a Cobb Energy Performing Arts Center-ah October ni 3 khan an sem a, October ni 10 zan (keini tana October ni 11 zing) khan an tichhuak chauh a, he award semnaah hian Kendrick Lamar a langsar ber a, award pali a dawng.
He rapper hian nominate a nihna category zawng zawngah award a dawng bek a, hip hop artist of the year, lyricist of the year, best live performance leh video director of the year te a dawng a, Drake, 21 Savage, Lil Durk feat. J Cole, Lil Uzi Vert leh Metro Boomin ten award pahnih theuh an dawng bawk.
Lamar hian a award dawn pali te hmang hian record a siam theuh a, hip hop artist of the year tum thum dawng thei hmasa ber niin, best live performer pawh a vawi li dawnna niin, Kanye West leh Jay-Z te record a nih rual a, lyricist of the year hi vawi kua a dawnna a niin, he category-a award dawng ngun ber a nihna a sawhnghet leh sauh a, Dave Free nena an award dawn dun, video director of the year hi nikum khan an pahnih tho hian an dawng dun tawh a, a kum zawna he award dawng thei hmasa ber an ni bawk.
Nomination-ah Cardi B leh 21 Savage an langsar ber a, nomination 12 ve ve an nei a, Cardi B hian award pakhatmah a dawng ta lo a, 21 Savage hi chuan award pahnih a dawng thung. Award semna hi Fat Joe-a’n host-in, Sexyy Red, GloRilla, City Girls leh DaBaby te an perform a, LL Cool J leh Rakim ten Marlet Marl tribute performance an neih bakah So So Def 30th anniversary tribute-ah Lil Jon, Ludacris, Nelly, Chingy, Bow Wow leh Da Brat te pawh an inlan.
2023 BET Hip Hop Awards dawngtute chu:
Hip Hop Artist of the Year : Kendrick Lamar
Song of the Year : “Just Wanna Rock,” Lil Uzi Vert
Hip Hop Album of the Year : Her Loss, Drake & 21 Savage
Best Hip Hop Video : “Just Wanna Rock,” Lil Uzi Vert
Best Collaboration : “All My Life,” Lil Durk feat. J. Cole
Impact Track : “All My Life,” Lil Durk Feat. J. Cole
Best Duo or Group : Drake & 21 Savage
Best Live Performer : Kendrick Lamar
Best Breakthrough Hip Hop Artist : Ice Spice
Lyricist of the Year : Kendrick Lamar
Producer of the Year : Metro Boomin
Video Director of the Year : Dave Free & Kendrick Lamar
DJ of the Year : Metro Boomin
Best Hip Hop Platform : Caresha Please
Hustler of the Year : 50 Cent
Sweet 16: Best Featured Verse : Jay-Z, “God Did” (DJ Khaled feat. Rick Ross, Lil Wayne, Jay-Z , John Legend & Fridayy)
Best International Flow : Black Sherif (Ghana)