2022-23 MPL U-18 & U-15 League
February ni 6, 2023 atang hian MPL U-18 2022-23 season khelh tan tum a ni. AIFF Financial Assistance Support Plan hnuaia League-te double leg tura tih angin, MPL U-18 League hi double leg hmanga khelh tur a ni.
-- Advertisement --
Kum 2023 March chawhnu lam hian MFA chuan U-15 League a buatsaih dawn a, club paruk telna tur a ni ang.
U-15 League hi AIFF Competition Management System (CMS) hnuaia khelh tur a nih avangin player-te hi Centralised Registration System (CRS) hmanga ziahluh vek tur a ni.
1) Club tel duh turte tana
hriattur pawimawh:
2) Coach : AIFF ‘E’ Licence chin nei an ni tur a ni.
3) Age Cut off : January ni 1, 2008 leh a hnu lama piang chin.
4) System of Play : Double Leg hmangin club-te an inkhel chhuak ang a, a sang pahnihin final match an khel ang.
5) Security : U-15 League khel tur club-te chuan security deposit Rs. 10,000 League Board hnena thehluh tur a ni.
6) Dil theih hun chhung : January 24, 2023 thleng.
7) Interview : January 26, 2023 chawhnu dar 1:00, MFA Office
Hrechiang duh tan : 8974963218/9862647664-ahte zawhfiah theih a ni.
U-15 League Club tel tura dilna hi google form tarlan (https://forms.gle/8kPXHdrmRs9y7kDZ7) hmanga submit tur a ni.
AIFF D Certificate Course
All India Football Federation D Certificate Coaching Course chu January 30 – February 4, 2023 chhung hian MFA chuan a buatsaih dâwn.
A dil duhte tan he mi google form (https://forms.gle/YWxriHwh4Yp6iAsp7) hmang hian dil theih a ni a, January ni 23, 2023 thleng dil theih a ni ang.
District Football Association tinin seat khat theuh an nei a, Mizoram leh India aiawha khel tawh player tan seat pasarih a awm ang a, open category-ah mi paruk lak an ni ang.
National Under 17 Women’s Team Trial
All India Football Federation Under 17 Women’s Team-a tel thei tur player zawnna chu vawiin, January ni 23 (Thawhtanni), 2023 hian Rajiv Gandhi Stadium, Aizawlah trial neih tur a ni a; January ni 1, 2007 – December ni 31, 2009 inkara piang hmeichhe footballer-te an trial thei ang.
Trial-a kal turte chuan mahni awmna District Football Association hriatpuina lehkha ken tur a ni a, original birth certificate ken tur a ni bawk ang.
Hre chiang duh tan MFA Women’s Committee secretary R. Lalramzauva (Phone – 9436156858) zawh theih a ni.
MFA transfer notice
Mizoram Football Association chuan All India Football Federation transfer window hawn chhung zuiin January 1-31, 2023 zan dar 12 thleng hian player transfer hun a hawng a, player transfer turte chuan hemi hun chhunga transfer tifel turin an hriattir.
Season kal mek (2022-23) chhungin tun bak hi transfer hawn a ni tawh dawn lo a, loan-a inlak pawh a theih loh ang.
Transfer regulation hi ‘AIFF regulations on the status ang transfer of players’ hnuaiah kalpui tur a ni ang.
MFA Cup khel tur player zawng zawng pawh AIFF Centralised Registration System hnuaia ziahluh vek tur an ni a, January thla chhungin club-te’n CRS-ah player an ziaklut thei ang a, CRS-a awm lo tan MFA Cup a khelh theih loh ang tiin MFA Registration Committee thuchhuah chuan a tarlang.
AIFF Beach Soccer Championship-ah Mizoram
All India Football Federation chuan a vawikhatna atan Beach Soccer inelna a buatsaih dâwn a, January 26 – February 1, 2023 chhungin Hero National Beach Soccer Championship chu Gujarat-ah khelh a ni dawn.
Inelna hi Dumas Beach, Surat, Gujarat-ah nghah a ni a, Mizoram hi Group C-ah awmin, Andhra Pradesh, Uttarakhand leh Delhi nen an awm a, an group-a awm Manipur chu an inhnukdawk leh a ni.
January ni 27-ah Andhra Pradesh nen match hmasa ber khelin, January ni 28-ah Delhi an hmachhawn leh ang a, January ni 29-ah Uttarakhand nen an intum leh ang a; group-a a säng pahnihin quarter final an lut ang a, February ni 1-ah final khelh a ni ang.
Mizoram player-te
1) R. Lalmuankima, Kanghmun
2) C. Lalmuanpuia, New Chalrang
3) Lalremruata, Ramhlun South
4) Lalrintluanga, Armed Veng
5) C. Lalremruata, Bawngkawn
6) Rampianmawia, Hlimen
7) Lalnunhlima, Hortoki
8) John Lalruatfela, Dinthar
9) Lalawmpuia, Ramhlun Venglai
10) |hasiama, Tuithiang
11) Freddy Lalruatfela, Kolasib Venglai
12) Aijalon Lalliantluanga, Bawngkawn
Team Officials:
1) H. Lalnunzira, Chanmari West
– Manager
2) R. Lalruatfela – Kolasib, – Coach
3) Vanlalhruaia, Khatla South – Physio