District Hub for Empowerment of Women (DHEW), District Program Office Champhai District buatsaihin Thawhlehni khan Champhaiah National Girl Child Day 2023 lawmna leh hemi puala program kharna hman a ni.
-- Advertisement --
He program pual hian Champhai district-a hmeichhe naupang chawimawi phu, badminton player pahnih – H Lalchhanhimi d/o Jerry Khawtinkhuma, Champhai Venglai leh Zoramthari d/o Lalthlekchuailova (L) Champhai Vengthlangte hnenah memento leh sumfai hlan an ni. National Girl Child Day lawmna pual drawing competition-a pakhatna mi pahnih hnenah sumfai hlan an ni bawk.
Program zawh hian District Hospital Champhaia hmeichhe naupiangte lawmpui nan sumfai leh naupuan hlan a ni.
District Program Office, Women & Child Development, Social Welfare & Tribal Affairs Department Champhai bultumin January 18 atang khan National Girl Child Day 2023 lawmna pual program hrang hrang neih a ni a. Beti Bachao Beti Padhao (BBBP) sticker-te vantlang hmunhma langsar laiah tarchhuah a ni. Zirlaite tan BBBP inzirtirna lam hawi lem inziahsiak huaihawt a ni a, NGO-te hnenah BBBP chungchang hrilhhriat niin, he ni denchhen hian thing tiak phun a ni bawk