Kumhlui thlahtu tam ber record siam

Rio de Janeiro chuan kumhlui thlah tur mipui pungkhawm tam ber record an siam a, Guinness World Records-in Copacabana-ah Mayor Eduardo Paes hnenah record an siam tih entirna certificate an hlan. December ni 31, 2025 khan tuipui kamah kumhlui thlah turin mipui maktaduai 2.5 an pungkhawm a, record an siam ta a ni.
Copacabana Beach-ah hian kumhlui thlahna leh kumthar lawmna atan programme pui tham tak an buatsaih a, hetah hian Brazil hmun hrang hrang atangin mipui an kalkhawm a, music, culture, light leh halmawi show chi hrang hrang nen hun an hmang a ni.
Guinness hian mipui pungkhawm zat finfiah nan hian official data bakah chunglam atanga thlalak hrang hrang leh drone hmanga chhiarna te an hmang a. Sorkar lam chuan mipui pungkawm hi maktaduai 2.5 chuang niin an chhal a, Copacabana tuipui lamah an inbeng muk hle a, tuipui kam mai bakah khawpui chhunga he hun hmang tura pungkhawm te nen chuan mipui maktaduai 5 tling angin an inchhal a ni.