ADBBA Cup 2025 hmuhnawm nghal Dawrpui Multipurpose Center lamah!
ADBBA Cup 2025 hmuhnawm nghal
Dawrpui Multipurpose Center lamah!
Chawngthu Sports Aizawl District Basketball Cub 2025 chu ruahmanna angin November ni 3 (Thawhtanni) atangin khelh tan a ni a, rokhawlhna avangin Dawrpui Multipurpose Center chu hman a remchan tak loh avangin ADBBA puipa lamin chawpchilh taka ruahmanna siamin Armed Veng Community Center-ah intihsiakna hmun hi sawn a ni a, tluang takin inelna ni hmasa ber chu a zo.
Vawiin atang chuan ruahmanna lo awm lawk tawh angin Dawrpui Multipurpose Center-ah inelna hi chhunzawm leh tur a ni ang.
Hoops Mania thlirna
ADBBA puipa lamin ngaihtuahna an sawrbing nasa tih he tourney kal mekah hian a lang a, ni khatna atangin an uap tha viau; chutih rualin, division 3-ah club 41 zet an awm laiin club 32 chiah an inlan thei hian division 3 chhangchhiatzia a tarlang a, hemi chungchang hi ADBBA General Body meeting lamah pharh a nih zui ngei a rinawm.
Division 3 kai-lawnah hian tehfung fel tak hmanga inziahluh a nih loh chuan pawl kalphung zahawmna a nghawr nghing dawt thei!
Intihsiakna buatsaihah club inlan hlei thei lo, phur hluai laia club din, season khat em pawh mar pata daih thei lo turte tan ADBBA hian kawngkapui a hawng a ang thei ta tlat – fimkhur a ngai e.
ADBBA Cup-ah erawh division tinah champion an awm dawn a, hei hian season ending lam thleng a nghawng dawn avangin tan a na dawn – ADBBA CUP 2025 hi!
Nimin inkhel result:
1. Dawrpui BC 66 – 48 Aien BC
2. Falkland BC 78 – 37 Unnamed Squad
3. Kicksology BC 88 – 31 AVL Pacemakers
4. Sharks BC 79 – 55 Ramthar BC
(Match hnuhnung pahnih result kan hre hman lo)
Vawiina inkhel turte:
1. Luangmual Archangels vs Nursery BC – 10:00 am (Div. 3)
2. Hunthar BC vs Mibc – 11:30 am (Div. 3)
3. Mission Vengthlang BC vs Khatla TBL Jr – 1:00 pm (Div. 2)
4. Armed Veng BC vs AM BC – 3:00 pm (Div. 2)
5. College Veng BC vs Republic Veng BC VR4 – 4:30 PM (Div. 3)
6. Bawngkawn Horns vs Ramthar Hollow – 6:00 pm (Div. 1)